Posted By
News desk IMAlive
Edited by: IMAlive Editorial Team of Doctors
ഇന്ന് ലോക ബ്രെയിൻ ട്യൂമർ ദിനം. സാധാരണ ജനങ്ങളിൽ ബ്രെയിൻ ട്യൂമറിനെക്കുറിച്ചുള്ള അവബോധം സൃഷ്ടിക്കുന്നതിനും അതിനെക്കുറിച്ചുള്ള വിവരങ്ങൾ പങ്കുവയ്ക്കുന്നതിനുമുള്ള അന്താരാഷ്ട്ര ദിനമാണ് ലോക ബ്രെയിൻ ട്യൂമർ ദിനം. ജർമ്മൻ ബ്രെയിൻ ട്യൂമർ അസോസിയേഷനാണ് ബ്രെയിൻ ട്യൂമർ ആചാരണത്തിനു ആദ്യമായി തുടക്കം കുറിച്ചത്.
ബ്രെയിൻ ട്യൂമർ : നാം അറിയേണ്ടതുണ്ട്
ഓരോ വർഷവും ഏകദേശം 11,700 പേർക്ക് പ്രാഥമിക മസ്തിഷ്ക ട്യൂമർ ഉണ്ടാവുന്നുണ്ട്. 40 വയസ്സിന് താഴെയുള്ള കുട്ടികളിലും മുതിർന്നവരിലും ബ്രെയിൻ ട്യൂമറുകൾ പൊതുവെ കൂടുതലായി കണ്ടുവരുന്നു.
കണക്കുകൾ പ്രകാരം കേന്ദ്ര നാഡീവ്യൂഹത്തെ (സിഎൻഎസ്) ബാധിക്കുന്ന ട്യൂമറുകൾ ഇന്ത്യയിൽ വർധിച്ചു കൊണ്ടിരിക്കുകയാണ്. നിലവിൽ പതിനായിരം പേരിൽ 5 മുതൽ 10 വരെ ആളുകൾക്ക് ഇത്തരം കാൻസർ ഉണ്ടെന്നാണ് കണക്കാക്കപ്പെടുന്നത്.
കുട്ടികളിൽ കണ്ടുവരുന്ന കാൻസറുകളിൽ കേന്ദ്ര നാഡീവ്യൂഹത്തെ ബാധിക്കുന്ന ട്യൂമറുകൾ, മസ്തിഷ്ക്ക ട്യൂമറുകൾ എന്നിവ രണ്ടാം സ്ഥാനത്താണ്. കുട്ടികളിൽ കണ്ടുവരുന്ന കാൻസറുകളിൽ 26 % വും ഇത്തരം കാൻസറുകളാണ്. കുട്ടികളിൽ ചികിത്സിച്ചു മാറ്റാൻ കഴിയുന്ന അന്ധതയ്ക്ക് ഏറ്റവും അധികം കേസുകളിലും കാരണമാകുന്നത് ബ്രെയിൻ ട്യൂമറുകളാണ്.
ശരീരത്തിലെ മറ്റൊരു അവയവത്തിനെ ബാധിച്ച കാൻസർ മറ്റു ഭാഗങ്ങളിലേക്ക് പടരുന്നതിനെ മെറ്റാസ്റ്റാറ്റിക് കാൻസർ എന്നാണ് പറയുന്നത്. നിർഭാഗ്യവശാൽ 40% ക്യാൻസറുകളിലും ഇത് മസ്തിഷകത്തിലേക്ക് പടരുന്നു.
എന്താണ് ബ്രെയിൻ ട്യൂമർ?
ശരീരകോശങ്ങളുടെ അനാവശ്യ വളർച്ചയെ ട്യൂമർ എന്ന് വിളിക്കുന്നു. തലച്ചോറിന്റെ ഏതെങ്കിലും ഭാഗത്ത് അസാധാരണമായ കൊശ വളർച്ച ഉണ്ടാകുന്നതിനായാണ് ബ്രെയിൻ ട്യൂമർ എന്ന് പറയുന്നത്.
പ്രധാനമായും രണ്ടു തരം ട്യൂമറുകളുണ്ട്, മാരകമായ ട്യൂമറുകളും അപകടകരമല്ലാത്ത ( Benign - non-malignant) ട്യൂമറുകളും. ബെനിൻ ട്യൂമറുകൾ കാന്സറുകളല്ല. മാരകമായ മസ്തിഷ്ക മുഴകളാണ് കാൻസറാകുന്നത്. മസ്തിഷ്ക ട്യൂമറുകളിൽ ഭൂരിഭാഗവും കാൻസർ അല്ലാത്തവയാണ്.
ബ്രെയിൻ ട്യൂമറിന്റെ ലക്ഷണങ്ങൾ എന്തൊക്കെ?
മസ്തിഷ്ക മുഴകൾ ആരംഭിക്കുന്ന തലച്ചോറിന്റെ ഭാഗത്തെ അനുസരിച്ച് വ്യത്യാസ്ത ലക്ഷണങ്ങളാണ് ഉണ്ടാവുക. വേദന, ചുഴലി, കാഴ്ചയിലുണ്ടാകുന്ന പ്രശ്നങ്ങൾ, ഛർദ്ദി, മാനസിക മാറ്റങ്ങൾ എന്നിവയാണ് ചില സാധാരണ ലക്ഷണങ്ങൾ. രോഗിക്ക് രാവിലെ തലവേദനയും ഛർദ്ദിയും അനുഭവപ്പെടാം. ചില കേസുകളിൽ ൽ നടത്തം, സംസാരിക്കൽ, സംവേദനം എന്നിവയിലെ ബുദ്ധിമുട്ട് എന്നിവയും അനുഭവപ്പെടാറുണ്ട്.
ബ്രെയിൻ ട്യൂമർ ചികിത്സകൾ
ട്യൂമറിന്റെ തരം, ഗ്രേഡ്, സ്ഥാനം, രോഗിയുടെ പൊതു ആരോഗ്യം എന്നിവ അനുസരിച്ച് ഡോക്ടർമാർ പലതരം നിചികിത്സകൾ നിർദ്ദേശിക്കാം.
ശസ്ത്രക്രിയ
റേഡിയോ തെറാപ്പി
കീമോതെറാപ്പി
സ്റ്റിറോയിഡുകൾ
ആന്റി സീഷർ മെഡിക്കേഷൻ
വെൻട്രിക്കുലാർ പെരിറ്റോണിയൽ ഷണ്ട്
എന്നിവയാണ് സാധാരണയായി ഡോക്ടർമാർ നിർദ്ദേശിക്കുന്നവ.
പ്രതിരോധം
പ്രതിരോധം, സ്ക്രീനിംഗ്, നേരത്തെയുള്ള കണ്ടെത്തൽ, രോഗനിർണയം, ചികിത്സ എന്നിവ ലക്ഷ്യമിട്ട് കാൻസർ, പ്രമേഹം, ഹൃദയ രോഗങ്ങൾ, ഹൃദയാഘാതം എന്നിവ തടയുന്നതിനായി ഇന്ത്യാ ഗവൺമെന്റ് ഒരു ദേശീയ പരിപാടി അവതരിപ്പിച്ചുണ്ട്.
ലോകത്ത് നിരവധി കാൻസർ ഗവേഷണങ്ങൾ നടക്കുന്നുണ്ടെങ്കിലും ബ്രെയിൻ ട്യൂമറിനായി നടക്കുന്ന ഗവേഷങ്ങൾ പൊതുവെ കുറവാണ്. രോഗത്തെ കുറിച്ചുള്ള അവബോധം സൃഷ്ടിക്കുന്നതുവഴി കൂടുതൽ രോഗികൾക്ക് നേരത്തെ തന്നെ രോഗം കണ്ടെത്താൻ സാധിക്കുകയും പെട്ടെന്നുതന്നെ ചികിത്സ ലഭിക്കുകയും ചെയ്യും. കൂടാതെ ബ്രെയിൻ ട്യൂമർ ചികിത്സ, നിർണ്ണയം എന്നിവയിൽ കൂടുതൽ ഗവേഷണങ്ങൾ നടക്കുന്നതിനും ഇതൊരു പ്രേരകശക്തിയാകും.
Apart from being a tribute to all the brain tumour patients and the struggles they and their families face, the day is also regarded as an International Day to spread awareness about the disorder and share information on it