Posted By
ന്യൂസ് ഡെസ്ക്, ഐഎംഎ ലൈവ്
Edited by: IMAlive Editorial Team of Doctors
'എന്റെ ഗർഭപാത്രം നീക്കം ചെയ്യേണ്ടി വരുമെന്ന് അറിഞ്ഞപ്പോൾ മുതൽ ഡിപ്രഷനിലായിരുന്നു ഞാൻ. എന്റെ സ്ത്രീത്വം നഷ്ടപ്പെട്ടു പോകുമോ, ഭാവിയിൽ കുട്ടികൾ ഉണ്ടാകില്ല എന്ന ഭയം, ശസ്ത്രക്രിയ്ക്കിടയിൽ മരണപ്പെട്ടാൽ എന്റെ കുട്ടികൾ അമ്മ ഇല്ലാതെ ജീവിക്കേണ്ടി വരുന്ന അവസ്ഥ, ലൈംഗിക ജീവിതത്തിൽ ഇതുണ്ടാക്കുന്ന മാറ്റങ്ങൾ തുടങ്ങിയവയൊക്കെ എന്നെ വല്ലാതെ ഭയപ്പെടുത്തി. എന്നാൽ ഞാൻ സുഹൃത്തുക്കളോടും ബന്ധുക്കളോടും സംസാരിച്ചപ്പോൾ ഗർഭപാത്രം നീക്കം ചെയ്യൽ സാധാരണമാണെന്നും നിരവധി സ്ത്രീകൾ ഈ ശസ്ത്രക്രിയയ്ക്കു വിധേയരാകുന്നുണ്ടെന്നും മനസ്സിലാക്കി. എന്നാൽ ഇത് ആരും തുറന്നു പറയുന്നില്ലെന്നതാണ് വാസ്തവം''. സിത്താർ മാന്ത്രികൻ പണ്ഡിറ്റ് രവിശങ്കറിന്റെ മകളും സംഗീതജ്ഞയുമായ അനൗഷ്ക രവിശങ്കറിന്റെ വാക്കുകളാണിത്.
26-ാമത്തെ വയസ്സിലാണ് അനൗഷ്കയുടെ ഗർഭപാത്രത്തിനുള്ളിൽ മുഴ ഉണ്ടെന്ന് ആദ്യം അറിയുന്നത്. ഈ മുഴ നീക്കം ചെയ്തതിനു ശേഷംരണ്ട് ആൺമക്കൾക്ക് ജൻമം നൽകുകയും ചെയ്തു. തുടർന്നും ഗർഭാശയത്തിൽ പതിമൂന്നോളം മുഴകൾ രൂപപ്പെടുകയും ശാരീരികാസ്വാസ്ഥ്യങ്ങൾ അനുഭവപ്പെടുകയും ചെയ്തതോടെ ഗർഭപാത്രം നീക്കം ചെയ്യുകയായിരുന്നു. സ്വന്തം ജീവിത്തിലെ വിഷമഘട്ടങ്ങൾ തുറന്നുപറയുന്നതോടൊപ്പം, വ്യക്തിപരമായ ശാരീരിക പ്രശ്നങ്ങൾ അലട്ടുമ്പോൾ മറച്ചു വയ്ക്കാതെ തുറന്നു പറയുകയാണ് സ്ത്രീകൾ ചെയ്യേണ്ടതെന്നും അനൗഷ്ക അഭിപ്രായപ്പെടുന്നു. സ്ത്രീകൾക്ക് എന്തുകൊണ്ട് അവരുടെ ജീവിതത്തെക്കുറിച്ച് തുറന്ന് പറഞ്ഞുകൂടാ എന്ന പ്രസക്തമായ ചോദ്യമാണ് അനൗഷ്ക സമൂഹത്തിന് നേരെ ഉയർത്തുന്നത്. ശാരീരികമായി സംഭവിക്കുന്ന വെല്ലുവിളികളെ ധീരമായി സമീപിക്കാനുള്ള പ്രചോദനം കൂടി അനൗഷ്കയുടെ വാക്കുകളിൽ നിറഞ്ഞ് നിൽക്കുന്നു.
എന്താണ് ഹിസ്റ്റെക്ടമി ?
ശസ്ത്രക്രിയയിലൂടെ ഗർഭപാത്രം നീക്കം ചെയ്യുന്നതിനെ ഹിസ്റ്റെറക്ടമി എന്ന് പറയുന്നു. ഹിസ്റ്റെറക്ടമി ചെയ്ത ഒരു സ്ത്രീയെങ്കിലും നമ്മുടെ പരിചയത്തിൽ ഉണ്ടാകുമെങ്കിലും ഭൂരിഭാഗം ആളുകൾക്കും ഹിസ്റ്റെറക്ടമിയെപ്പറ്റി അധികമൊന്നും അറിയില്ല. ഏതെല്ലാം സന്ദർഭങ്ങളിലാണ് ഹിസ്റ്റെറക്ടമി ചെയ്യേണ്ടിവരുന്നത് എന്ന് നോക്കാം.
* മെഡിക്കൽ ചികിത്സകളിലൂടെ മെച്ചപ്പെടാത്ത വേദനാജനകമായ, കനത്ത രക്തസ്രാവമുള്ള ആർത്തവം ഉള്ളപ്പോൾ.
* ഫൈബ്രോയിഡുകൾ - ഗർഭപാത്രത്തില് വളരുന്ന അസാധാരണമായ മുഴകളാണ് ഫൈബ്രോയിഡുകൾ, ഇവ വേദനയും, കനത്ത രക്തസ്രാവവുമുള്ള ആർത്തവത്തിനും കാരണമാകും. ചിലപ്പോൾ മറ്റ് പെൽവിക് അവയവങ്ങൾക്ക് സമ്മർദ്ദവും ഇവ ഉണ്ടാക്കാറുണ്ട്.
*ഗർഭാശയത്തിൻറെ ശക്തിക്കുറവു മൂലം ഇറങ്ങിവരുന്ന ഗർഭപാത്രം.
* എൻഡോമെട്രിയോസിസ്, ഗര്ഭപാത്രത്തില് നിന്നുള്ള ടിഷ്യു സെഗ്മെന്റുകള് അറ്റാച്ചുചെയ്യുകയും തെറ്റായ സ്ഥലത്ത് വളരുകയും വേദനയുണ്ടാക്കുകയും ചെയ്യുന്ന അവസ്ഥ.
* അഡെനോമിയോസിസ് - എൻഡോമെട്രിയോട്രിസിലെ അതെ അവസ്ഥ ഗർഭാശയത്തിൻറെ പേശിയെ ബാധിക്കുമ്പോൾ.
* കഠിനമായ, ആവർത്തിച്ചുള്ള അല്ലെങ്കിൽ ചികിത്സിക്കാൻ കഴിയാത്ത പെൽവിക് അണുബാധ.
*യോനി, ഗർഭാശയം, ഗർഭപാത്രം, ഫാലോപ്യൻ ട്യൂബുകൾ, അണ്ഡാശയം എന്നിവിടങ്ങളിൽ വരുന്ന അർബുദം.
* വളരെ അപൂർവമായി, പ്രസവസമയത്ത് രക്തസ്രാവം നിയന്ത്രണാതീതമാവുകയാണെങ്കിൽ, അടിയന്തിര പ്രക്രിയയായി ഹിസ്റ്റെരെക്ടമി നടത്തുന്നു. മറ്റു സാഹചര്യങ്ങളിൽ, ഇത് മുൻകൂട്ടി ആസൂത്രണം ചെയ്താണ് നടത്താറ്.
ഹിസ്റ്റെറക്ടമികൾ പലതരം
നിരവധി തരം ഹിസ്റ്റെറക്ടമികൾ ഉണ്ട്. ഗർഭാശയം മുഴുവനായി നീക്കം ചെയ്യുന്ന അബ്ഡോമിനൽ ഹിസ്റ്റെരെക്ടമിയാണ് ഏറ്റവും സാധാരണമായത്. ഒരു സബ്ടോട്ടൽ ഹിസ്റ്റെറക്ടമി ഗർഭാശയത്തിൻറെ മുക്കാൽഭാഗവും നീക്കംചെയ്യുന്നു, സെർവിക്സ് അഥവാ ഗര്ഭാശയമുഖം ഒഴിച്ച്. ക്യാൻസർ കേസുകളിൽ, വിപുലീകൃത അല്ലെങ്കിൽ റാഡിക്കൽ ഹിസ്റ്റെരെക്ടമിയാണ് നടത്തുക. ഗർഭപാത്രം, ട്യൂബുകൾ, അണ്ഡാശയങ്ങൾ, യോനിയുടെ മുകൾ ഭാഗം എന്നിവ നീക്കം ചെയ്യുന്നത് ഇതിൽ ഉൾപ്പെടുന്നു. വയറിലെ മുറിവിലൂടെയല്ലാതെ യോനിയിലൂടെയാണ് വജൈനൽ ഹിസ്റ്റെറക്ടമി നടത്തുന്നത്. ഗർഭപാത്രം ഇറങ്ങിവരുന്ന അവസ്ഥയിൽ പലപ്പോഴും യോനിയിലൂടെ യോനി ഹിസ്റ്റെരെക്ടമി വഴി ഗർഭപാത്രത്തെ നീക്കംചെയ്യുന്നു, ഇത് വയറ്റിൽ മുറിവ് ഉണ്ടാക്കുന്നില്ലെന്ന ഗുണവുമുണ്ട്. അണ്ഡാശയത്തെ നീക്കം ചെയ്യുകയാണെങ്കിൽ, ശരീരം പിന്നീട് സ്ത്രീ ലൈംഗിക ഹോർമോൺ ഉൽപാദിപ്പിക്കില്ലെന്ന കാര്യം പരിഗണിക്കണം, പ്രത്യേകിച്ച് 50 വയസ്സിന് താഴെയുള്ള സ്ത്രീകൾക്ക് ഹോർമോൺ റീപ്ലേസ്മെന്റ് തെറാപ്പി (എച്ച്ആർടി)ചെയ്യുന്നതാണ് നല്ലത്.
ഫലങ്ങൾ
ഓപ്പറേഷന് ശേഷം നിങ്ങൾക്ക് മേലിൽ ആർത്തവം ഉണ്ടാകില്ല ഗർഭിണിയാകാനും കഴിയില്ല.അണ്ഡാശയത്തെ നീക്കം ചെയ്തവർക്ക് ആർത്തവവിരാമത്തിന്റെ ലക്ഷണങ്ങൾ പിന്നീട് ഉണ്ടാകില്ല. സാധാരണയായി 50 വയസ്സുള്ളപ്പോൾ വരുന്ന ആർത്തവവിരാമം ഹിസ്റ്റെരെക്ടോമിയെത്തുടർന്ന് അല്പം മുമ്പേ വരാം.
ഹിസ്റ്റെറക്ടമി -തെറ്റിദ്ധാരണകൾ
നിങ്ങൾക്ക് അകാരണമായി തടിവെക്കുകയോ മുഖത്ത് രോമം വളരുകയോ, വിഷാദരോഗം ഉണ്ടാകുകയോ, ലൈംഗിക ജീവിതം പ്രയാസകരമായിത്തീരുകയോ ഇല്ല.എങ്കിലും എന്തുകൊണ്ടാണ് ഹിസ്റ്റെറക്ടമി ആവശ്യമായിരിക്കുന്നത് എന്നതിനെക്കുറിച്ച് ശരിയായ ധാരണ നിങ്ങൾക്ക് എന്തായാലും ഉണ്ടായിരിക്കണം.
എൻഡോമെട്രിയൽ അബ്ളേഷൻ അല്ലെങ്കിൽ മിറീന കോയിൽ പോലുള്ള ഹിസ്റ്റെറക്ടമിക്ക് ബദലുകളെക്കുറിച്ച് ചോദിക്കാൻ ഭയപ്പെടരുത്, ഇത് ശരിക്കും ആവശ്യമാണെന്ന് നിങ്ങൾക്ക് ഉറപ്പാകുന്നതുവരെ ഓപ്പറേഷൻ അംഗീകരിക്കരുത്.
ഓപ്പറേഷന് ശേഷം
ഓപ്പറേഷനുശേഷം നിങ്ങൾക്ക് രക്തവും ഫ്ലൂയിഡുകളും പോകാനുള്ള ഡ്രിപ്പ് ഉണ്ടാകാം. മൂത്രം ഒഴിക്കാൻ ഒരു കത്തീറ്റർ ഉണ്ടായിരിക്കും.വജൈനൽ ഹിസ്റ്റെരെക്ടമിയിൽ ഉപയോഗിക്കുന്ന ആന്തരിക തുന്നലുകൾ സ്വാഭാവികമായി അലിഞ്ഞുപോകും. മുറിവ് ഒരാഴ്ചയ്ക്കുള്ളിൽ സുഖപ്പെടുത്തുമെങ്കിലും ആന്തരിക ശസ്ത്രക്രിയ മുറിവുകൾകൾക്ക് ആറ് ആഴ്ചയോളം വേണ്ടിവരും.
രോഗമുക്തി
സാധാരണയായി ശസ്ത്രക്രിയയുടെ പിറ്റേന്ന് തന്നെ ചെറുതായി ഒന്ന് നടക്കാൻ ഡോക്ടർ നിങ്ങളെ പ്രോത്സാഹിപ്പിക്കും. വയറിലെ മുറിവിലൂടെയുള്ള ഹിസ്റ്റെറക്ടമി ആണെങ്കിൽ 5 ദിവസത്തിന് ശേഷവും യോനിയിലൂടെയുള്ള ഹിസ്റ്റെരെക്ടമി ആണെങ്കിൽ 72 മണിക്കൂറിനുശേഷവും നിങ്ങൾക്ക് വീട്ടിലേക്ക് പോകാം.
വീട്ടിൽ വെച്ച് വിശ്രമിക്കുക, ആ സമയത്ത് ഭാരം ഉയർത്തരുത്. മുറിവ് ഉണങ്ങിയ കലകൾ ശക്തിപ്പെടാൻ ആറു മാസത്തോളം എടുക്കും. അതിനുശേഷം മാത്രമേ ഭാരം ഉയർത്താൻ പാടുള്ളു. ഓപ്പറേഷൻ കഴിഞ്ഞ് ആറാഴ്ച കഴിയുമ്പോൾ തന്നെ നിങ്ങൾക്ക് ഒരു കാർ ഓടിക്കാനോ നീന്താനോ ഒക്കെ കഴിയും.
അഞ്ചാമത്തേയോ ആറാമത്തെ ആഴ്ചയോടെ നിങ്ങൾ സാധാരണ നിലയിലേക്ക് മടങ്ങാൻ തുടങ്ങണം. ഓപ്പറേഷനുശേഷം രണ്ടാം മാസത്തിൽ അപ്രതീക്ഷിതമായി ക്ഷീണം അനുഭവപ്പെടുന്നത് പതിവാണ്, പക്ഷേ ഇത് നിലനിൽക്കില്ല. ചില സ്ത്രീകൾക്ക് 100% സുഖപ്പെടുന്നതിന് 12 മാസം വരെ എടുക്കാറുണ്ട്. ഹിസ്റ്റെറക്ടമിക്ക് ശേഷം വയറ്റിൽ ''ഇലാസ്റ്റിക് വലിയുന്നതുപോലെ' തോന്നാറുണ്ട്, അത് തികച്ചും സാധാരണമാണ്. കുറച്ച് ആഴ്ചകളൾ നിങ്ങൾക്ക് ഇളം തവിട്ട് നിറത്തിൽ യോനിയിൽ നിന്നും സ്രാവം ഉണ്ടാകാം. ഡിസ്ചാർജ് കനത്തതോ ദുർഗന്ധമോ ചൊറിച്ചിലോ ആയി മാറുന്നില്ലെങ്കിൽ വിഷമിക്കേണ്ട കാര്യമില്ല.
ശസ്ത്രക്രിയ കഴിഞ്ഞ് ആറാം ആഴ്ചയോടെ സൗമ്യമായ ലൈംഗിക ബന്ധം സാധ്യമാകണം. ഗർഭാവസ്ഥയെക്കുറിച്ചുള്ള ഭയമോ അസുഖകരമായ ലക്ഷണങ്ങളോ പോയിക്കഴിഞ്ഞാൽ ലൈംഗികബന്ധം കുറച്ചുകൂടി ആസ്വാദ്യകരമായിരിക്കും. ചിലർക്ക് ലൈംഗികതൃഷ്ണ കുറയുന്നതായും കണ്ടുവരാറുണ്ട്. നിരവധി മാസങ്ങൾക്ക് ശേഷവും പ്രശ്നങ്ങൾ നിലനിൽക്കുകയാണെങ്കിൽ, സൈക്കോസെക്ഷ്വൽ കൗൺസിലിംഗ് നിങ്ങളെ സഹായിച്ചേക്കാം.
അണ്ഡാശയം, ആർത്തവവിരാമത്തിനുശേഷവും ആൻഡ്രോജൻ സ്രവിക്കുന്നത് തുടരുന്നുവെന്നും സ്ത്രീകളിൽ ലൈംഗികതൃഷ്ണ നിലനിർത്തുന്നതിന് ഈ ഹോർമോണുകൾ വളരെ പ്രധാനമാണെന്നും നമുക്കറിയാം.
അണ്ഡാശയത്തെ നീക്കംചെയ്യുന്നത് സ്ത്രീയുടെ പ്രായം എന്തുതന്നെയായാലും ഈ ലൈംഗിക ഉത്തേജകത്തെ നിഷേധിക്കുന്നു. എന്നിരുന്നാലും, ഓപ്പറേഷനുശേഷം ടെസ്റ്റോസ്റ്റിറോൺ തെറാപ്പി എടുക്കുകയാണെങ്കിൽ, ചില സ്ത്രീകൾക്ക് അവരുടെ സെക്സ് ഡ്രൈവ് സാധാരണ നിലയിലേക്ക് മടങ്ങാറുണ്ട്. ഹിസ്റ്റെറക്ടമിക്ക് ശേഷം ചില സ്ത്രീകൾക്ക് വിഷാദവും അലസതയും അനുഭവപ്പെടും. ആ സമയങ്ങളിൽ സുഹൃത്തുക്കൾക്കും കുടുംബത്തിനും നിങ്ങളുടെ പങ്കാളിക്കും പോലും സ്ത്രീയുടെ വികാരങ്ങൾ മനസ്സിലാക്കാൻ ബുദ്ധിമുട്ടാണ്. നിങ്ങളുടെ വികാരങ്ങളെക്കുറിച്ച് പങ്കാളിയോട് സംസാരിക്കുകയും ആവശ്യമെങ്കിൽ മറ്റെവിടെ നിന്നെങ്കിലും സഹായവും പിന്തുണയും സ്വീകരിക്കുകയും ചെയ്യേണ്ടത് പ്രധാനമാണ്.
Photo courtesy:Instagram
Anoushka Shankar undergoes hysterectomy; shares heartfelt post on social media about her struggle.